donation

10 mart 2015-ci il Azərbaycan Qızıl Aypara Cəmiyyətinin
yaranmasının 95-ci ildönümüdür

T Ə B R İ K L Ə R

Xəbərlər


Azərbaycan Qızıl Aypara Cəmiyyətinin (AzQAC) Şəmkir rayon bölməsinin əməkdaşları öz yardımlarını davam etdirir.

AzQAC-nin Şəmkir rayon bölməsinin əməkdaşları tərəfindən Xalqımızın gözəl bayramı olan Novruz Bayramı münasibətilə Şəmkir rayonunda imkansız ailələrə ərzaq bağlamaları payladı.

Nəşr olunub: 2015-03-21 \ Oxunub: 109 \ ətraflı


Azərbaycan Qızıl Aypara Cəmiyyətinin prezidenti, millət vəkili Dr.Novruz Aslanov Cəmiyyətin Katibliyinin əməkdaşlarını təbrik etdi.

19 mart 2015-ci il tarixində Azərbaycan Qızıl Aypara Cəmiyyətinin prezidenti, millət vəkili Dr.Novruz Aslanov Cəmiyyətin Katibliyinin əməkdaşlarını Azərbaycan xalqının milli bayramı olan Novruz Bayramı münasibətilə təbrik etdi.

Nəşr olunub: 2015-03-19 \ Oxunub: 109 \ ətraflı


Azərbaycan Qızıl Aypara Cəmiyyətinin Nizami Rayon bölməsi öz missiyasını davam etdirir.

95 il sizinlə devizi altında AzQAC-nin Nizami rayon bölməsinin əməkdaşları tərəfindən Xalqımızın gözəl bayramı olan Novruz Bayramı münasibətilə Bakı şəhəri üzrə 110 nəfərə ərzaq bağlaması paylanıldı.Adının hallanmasını istəməyən xeyriyyəçimiz artıq 3-cü ildir ki bu ənənəni davam etdirir.

Nəşr olunub: 2015-03-19 \ Oxunub: 86 \ ətraflı


Beynəlxalq Qızıl Xaç Komitəsi (BQXK) və Azərbaycan Qızıl Aypara Cəmiyyəti (AzQAC) arasında görüş

7 mart 2015-ci il tarixində AzQAC-nin İcraçı Katibi Bayram Vəliyev və qurumun Beynəlxalq Əlaqələr şöbəsinin müdiri Nailə Ömərova “Təhlükəsiz Giriş” konsepsiyası üzrə 2015-ci il ərzində həyata keçiriləcək fəaliyyətlərə dair müzakirələri davam etdirmək məqsədilə BQXK-nın əməkdaşlıq üzrə regional nümayəndəsi cənab Gregory Le Coq və qurumun Azərbaycandakı Nümayəndəliyinin əməkdaşlıq üzrə məsul işçisi cənab Rasim Əlləzov arasında növbəti görüş baş tutmuşdur.

Nəşr olunub: 2015-03-19 \ Oxunub: 78 \ ətraflı


"Uşaqlar dünyanın sevincidir" adlı Novruz şənliyi keçirildi

Azərbaycan Qızıl Aypara Cəmiyyəti Binəqədi Rayon Bölməsi və “Qan Donorları Assosiasiyası” İctimai Birliyinin birgə təşkilatçılığı ilə 17 mart 2015-ci il tarixində Binəqədi rayonunda yerləşən M.Maqomayev adına 26 saylı onbirillik uşaq musiqi məktəbində sağlamlıq imkanları məhdud uşaqlar və yeniyetmələr üçün novruz bayramı ərəfəsində musiqili əyləncəli şənlik proqramı təşkil olunmuşdur.

Nəşr olunub: 2015-03-18 \ Oxunub: 79 \ ətraflı


Azərbaycan Qızıl Aypara Cəmiyyətinin Mingəçevir şəhər bölməsi

Qarşıdan gələn Novruz bayramı münasibətilə Azərbaycan Qızıl Aypara Cəmiyyətinin Mingəçevir şəhər bölməsi yenə öz missiyasına sadiq qalaraq öz silsilə yardımlarını davam etdirdi. Xalqımızın ən qədim bayramlarından olan bu bayramda yardım payları ilə kimsəsiz qocaları sevindirdi. Ilaxır çərşənbə günü paylanan yardımlar 20 kimsəsiz ahıl qocaları və yaşlıları sevindirdi.

Nəşr olunub: 2015-03-17 \ Oxunub: 69 \ ətraflı


Mərhəmət dünyanı xilas edəcək!

Azərbaycan Qızıl Aypara Cəmiyyətinin 95 illik yubileyi ilə əlaqədar Abşeron rayon bölməsində silsilə tədbirlər davam edir. Hər ay rayon bölməsinin qeydiyyatında olan imkansızlara yardım olaraq qurban əti paylayan, adının çəkilməsini istəməyən xeyirsevər insan tərəfindən martın 7-də 210 nəfərə bayram əti paylandı. Hər ay bölmənin qeydiyyatında olan imkansızlara, kimsəsizlərə, yataq xəstələrinə göstərdiyi yardıma görə xeyirxah və mərhəmətli həmin insana dərin təşəkkürümüzü bildiririk. Mərhəmət dünyanı xilas edəcək!

 

Nəşr olunub: 2015-03-16 \ Oxunub: 58 \ ətraflı


Qızıl Aypara Cəmiyyəti Abşeron rayon bölməsi qeydiyyatındakı valideyin himayəsindən məhrum olan uşaqlar üçün Novruz bayramı münasibəti ilə xeyriyyə tədbiri təşkil etmişdir

Novruz bayramı xalqımızın ən sevimli bayramlarındandır. Bu bayramın gəlişi balacadan böyüyə hər kəsi sevindirir.

Martın 13-də “Tale yolları” şadlıq sarayında xalqımızın əziz və müqəddəs bayramı olan Novruzun gəlişi münasibətilə AzQAC Abşeron rayon bölməsinin təşəbbüsü və “Mətanət A” şirkətinin dəstəyi ilə bölmənin qeydiyyatında olan ata-anasını itirmiş uşaqlar üçün bayram tədbiri təşkil olunmuşdur. Tədbirin keçirilməsində əsas məqsəd belə əziz gündə valideyn himayəsindən məhrum olan uşaqların diqqət və qayğıdan kənar qalmaması olub. Tədbirdə “Mətanət A” şirkətinin nümayəndələri iştirak etmişlər.

Nəşr olunub: 2015-03-16 \ Oxunub: 72 \ ətraflı


Gəncə şəhərində qan donorluğuna dair seminar keçirildi.

Azərbaycanda könüllü təmənnasız qan donorluğunun inkişafına dəstək vermək məqsədilə ölkədə fəaliyyət göstərən dövlət və QHT (İçtimai Səhiyyə və İslahatlar Mərkəzi , Mərkəzi Qan Bankı, AzQAC, Gənclər üçün Təhsil Mərkəzi, Qan Donorlar Assosiasiyası və digər) tərəfindən yaradılan işçi qrupun fəaliyyəti çərçivəsində 2015-ci il mart ayının 13-də Gəncə şəhərində “Qan donorluğunun inkişafına dəstək” mövzusunda seminar təşkil olunmuşdur.

Nəşr olunub: 2015-03-16 \ Oxunub: 70 \ ətraflı


Azərbaycan Qızıl Aypara Cəmiyyətinin yaranmasından 95 il ötür

Yaranmasının 95 illiyini bayram edən Azərbaycan Qızıl Aypara Cəmiyyətinin üzvləri martın 10-da əvvəlcə Fəxri Xiyabanda ulu öndər Heydər Əiyevin məzarını ziyarət edib, ruhuna hörmət və ehtiramlarını bildirdilər.

Daha sonra Şəhidlər xiyabanına gələn Cəmiyyət üzvləri Azərbaycanın ərazi bütövlüyü və müstəqilliyi uğrunda şəhid olan Vətən övladlarının xatirəsini yad edib, əbədi məşəl adidəsinin önünə əklil qoydular.

Nəşr olunub: 2015-03-11 \ Oxunub: 231 \ ətraflı

 

Novruzali Aslanov

Humanizm naminə fəaliyyətimiz davamlıdır

Azərbaycan Qızıl Aypara Cəmiyyəti hər zaman ehtiyacı olan insanlara humanitar yardım, təmənnasız sosial-tibbi xidmətlər göstərmiş, müxtəlif fəlakətdən zərərçəkmişlərə lazımi dəstək vermişdir. Özünün fəaliyyət dairəsini daha da genişləndirərəк, Cəmiyyətimiz daha da təkmilləşərək Beynəlxalq Hərəkatın inkişafına öz töhvəsini vermişdir. Müasir dövrümüzdə Cəmiyyətimizin daha da inkişaf etməsinə əsas səbəb dövlət başçısının müvafiq fərman və sərəncamları olmuşdur. Azərbaycan Respublikasının Prezidenti, Azərbaycan Qızıl Aypara Cəmiyyətinin fəxri üzvü cənab İlham Əliyev hər zaman Cəmiyyətimizə qayğı ilə yanaşmışdır. “Azərbaycan Qızıl Aypara Cəmiyyəti haqqında” qəbul edilmiş Qanun, “Qızıl Aypara Günü”nün təsis olunması, Nazirlər Kabinetinin müvafiq sərəncamları buna bariz nümunədir.

Hər il olduğu kimi 2012-ci ildə də Cəmiyyətin fəaliyyət istiqaməti çoxsahəli olmuşdur. Azərbaycan Qızıl Aypara Cəmiyyəti respublikada müxtəlif humanitar yönümlü layihələri uğurla həyata keçirmişdir. Bu layihələrin həyata keçirilməsində müvafiq hökumət strukturları lazımi dəstək vermişdir. Belə qarşılıqlı əməkdaşlıq sayəsində fəaliyyətimizdə nəzərə çarpan irəliləyişlərə nail olunmuşdur. Fəaliyyətimizdə xüsusilə, sosial sahəyə önəm verilmiş və bu istiqamətdə həyata keçirilən layihələr əhalinin sağlamlığı namиnə maarifləndirmə işlərinin gücləndirilməsinə yönəldirilmişdir. Gənclərin və könüllülərin həyata keçirilən layihələrə cəlb edilməsi isitiqamətində kifayət qədər işlər görülmüşdür. Xüsusilə, qan donorluğu, ilk yardım və fəlakətlər zamanı zərərçəkmiş insanlara zəruri yardımların edilməsində könüllülərimiz yaxından iştirak etmişlər. Təşkilatи sahədə əsas istiqamətlərdən biri yerli bölmələrin inkişafı, üzvlərin sayının artırılması və yerli icmaların formalaşdırılması hər zaman gündəlik fəaliyyətimizdə duran  ön məsələlərdən olub. Bu sahədə də müəyyən nailiyyətlərimiz vardır. Bu il üzvlərimizin sayı artırılaraq 300 minə,  könüllülərimizin sayı isə 19 minə çatmışdır və bu artım davam etməkdədir.  ətraflı